Presse et archive

Leserbriefe et textes publiés

Choisissez un titre dans l’archive pour lire la lettre complète. Le journal d’origine reste accessible lorsqu’un lien est disponible.

← Choisir une autre lettre

D’Monarchie: trotz Kritik gär gefeiert

D‘Politiker wiesselen, mä eis Monarchie verkierpert Bestännegkeet an dat ass hir Stäerkt, seet den Auteur

Ouvrir le journal original ↗ Le journal peut demander un abonnement.
t ginn der, déi d’Monarchie d’ganzt Joer kritiséieren… an et sinn dacks déi selwecht, déi um Nationalfeierdag mam Glas an der Hand „Vive de Grand-Duc!“ ruffen.

Dat ass typesch lëtzebuergesch: mir knécken, mir meckeren, mir halen eis fir modern… mee wann de Fändel fladdert an d’Hymn gespillt gëtt, da spieren si dach eng waarm Emotioun am Häerz.

Vläicht, well d’Monarchie eeben e Stéck vun eis ass och vun deenen, déi et net wëllen zouginn.

D’Monarchie zu Lëtzebuerg ass keen Dekorstéck a kee Iwwerrescht aus der Vergaangenheet. Si ass eng lieweg Institutioun, déi an eiser Geschicht verwuerzelt ass an no beim Vollek bliwwen ass. An enger Zäit, wou alles ëmmer méi séier geet, d’Wäerter verluer ginn an d’Politik dacks trennt, bleift si ee vun deene wéinege festen Elementer, déi nach stinn.An dat ass vill wäert. Si bréngt Rou, Sécherheet a Gläichgewiicht an eng Gesellschaft, déi heiansdo vergësst, wat wierklech zielt.

Verschiddener soen: „De Staat brauch keng Symboler!“

Mee e Land ouni Symboler ass e Land ouni Séil. Mir hunn d’Kierch scho geschwächt am Numm vun der Modernitéit. Haut mierke vill Leit, datt eppes feelt.

Loosse mir net déi selwecht Feeler mat der Monarchie maachen. Well wa si eemol fort ass, bleiwe just eidel Loft a Bedaueren zréck.